SHQIP

IMUNOLOGJIA

BAKTERIOLOGJIA

VIROLOJI

MIKOLOGJIA

PARAZITOLOGJIA
 

ANGLISHT 

HYRJE

IMUNOLOGJIA

BAKTERIOLOGJIA

VIROLOGJIA

PARAZITOLOGJIA

MIKOLOGJIA


PORTUGALISHT

SPANJOLLISHT

KËRKO

IMUNOLOGJIA

Përktheu: Dr. Lul Raka, Asistent i Mikrobiologjisë në Fakultetin e Mjekësisë të Universitetit të Prishtinës dhe Mikrobiolog në Departamentin e Mikrobiologjisë të Institutit Kombëtar të Shëndetësisë Publike të Kosovës- Prishtinë, Kosovë

Imunologjia është shkencë që studion mbrojtjen dhe përgjigjen e organizmit tonë ndaj makromolekulave të huaja ose mikroorganizmave invadues (virusët, bakteret, fungjet, protozoat ose parazitët). Përveç mikroorganizmave të huaj, trupi i njeriut mund të zhvillojë përgjigje imunologjike edhe ndaj proteinave vetanake ose molekulave të tjera (sëmundjet autoimmune) dhe kundër qelizave të dëmtuara në imunitetin ndaj virusëve dhe tumorëve.

Vija e parë e mbrojtjes ndaj mikroorganizmave të huaj është bariera e jashtme-lëkura, që pengon depërtimin e mikrobeve në brendi të organizmit. Nëse mikrobet e kalojnë barierën lëkurore apo mukotike, atëherë organizmi reagon menjëherë përmes disa qelizave që përgjigjen ndaj pranisë së tyre. Këto qeliza janë makrofagjet dhe neutrofilet, të cilat i fagocitojnë mikrobet e huaja dhe i shkatërrojnë ato pa patur nevojë për ndihmën e antitrupave. Përgjigja e menjëhershme vjen edhe nga disa komponenta mbrojtëse që e privojnë mikrobin nga materiet e domosdoshme për jetë (p.sh. hekuri). Këto komponenta hasen në indin epitelial, në sekrecione (lotët dhe pështyma) dhe në qarkullimin e gjakut. Kjo formë e imunitetit është e lindur ose jospecifike dhe gjithmonë është në gatishmëri për t’u përgjigjur në invadimin e mikroorganizmave nga jashtë.

Vija e dytë e mbrojtjes është imuniteti specifik, të cilit i duhen disa ditë për t’u përgjigjur në invadimin parësor (infeksioni me një organizëm që nuk ka ndodhur më parë). Te sistemi specifik imunologjik, vërehet prodhimi i antitrupave (proteina të tretshme që lidhen me antigjenët e huaj) dhe përgjigja qelizore imunitare, në të cilën qelizat specifike i njohin patogjenët e huaj dhe i shkatërrojnë ato. Te virusët dhe tumorët, ky lloj i imunitetit është esencial për njohjen dhe shkatërrimin e qelizave vetjake që janë të infektuara nga virusët apo qelizat malinje të tumorit. Përgjigja dytësore është zakonisht shumë më e theksuar sesa ajo parësore për shkak të aktivizimit të qelizave memorike B dhe T. Në këtë seksion do të shohim se si ndërveprojnë qelizat e sistemit imunologjik me njëra tjetrën përmes një numri të madh të molekulave sinjalizuese me qëllim që të krijohet një përgjigje e bashëkrenditur. Këto sinjale realizohen përmes proteinave dhe stimulojnë qelizat e sistemit imunologjik. Këtij grupi i takojnë limfokinet që prodhohen nga qelizat e sistemit limfoid; si dhe citokinet e hemokinet që prodhohen nga qelizat tjera të sistemit imunitar.
 

NUMRAT E KAPITUJVE NË TË MAJTË JANË TË LIDHUR ME HTML FAQE TË ILUSTURUARA. LOGOT NË TË DJATHTË QOJNË NË FAJLLET POWERPOINT DHE SHËNIMET ACROBAT QË E PLOTËSOJNË VEB FAQEN. FAJLLET POWERPOINT MUND TË JENË TË MËDHENJ, ANDAJ NDODH QË VËSHTIRË SHKARKOHEN NGA PËRDORUESIT JASHTË SISTEMIT

 

ANGLISHT
 

ANGLISHT 
BAKTERIOLOGJIA    IMUNOLOGJIA    VIROLOGJIA    PARAZITOLOGJIA    MIKOLOGJIA
 

SHQIP

KAPITULLI 1
IMUNITETI I LINDUR (JOSPECIFIK)

Sistemi i lindur imunologjik: barierat anatomike, molekulat sekretore dhe komponentat qelizore

KAPITULLI  2
KOMPLEMENTI

Sistemi i komplementit përbëhet nga më se 20 proteina në serum që mund të shkaktojnë lizën e qelizave të lidhura me antitrupa

KAPITULLI 3
ANTIGJENET

Antigjenet janë substanca që indukojnë përgjigjen specifike imunologjike dhe reagojnë me prodhimet e përgjigjes specifike imunologjike

KAPITULLI  4
STRUKTURA DHE FUNKSIONI I IMUNOGLOBULINAVE - ANTITRUPAT

Imunoglobulinat janë proteina që prodhohen nga plazmocitet si përgjigje ndaj antigjeneve dhe funksionojnë si antitrupa

Ju lutemi dërgoni komentet dhe vërejtjet te
Dr Richard Hunt

This page last changed on
Sunday, February 15, 2015
Page maintained by
Richard Hunt

 

KAPITULLI  5
TIPET E IMUNOGLOBULINAVE - IZOTIPET DHE ALOTIPET

Izotipet janë determinanta antigjenike që karakterizojnë klasën dhe subklasën e antitrupave, përfshirë vargjet e rënda dhe të lehta

KAPITULLI 6
GJENETIKA E IDIOTIPEVE

Organizimi dhe ekspresioni i familjeve të gjeneve për imunoglobulina

ANGLISHT

KAPITULLI  7   
REAKSIONET ANTIGJEN-ANTITRUP DHE TESTET DIAGNOSTIKE TË KËTYRE REAKSIONEVE

Natyra e reagimit antigjen-antitrup
Aftësia dhe nevoja e antitrupave
Bazat e reaksioneve kryqëzuese
Parimet e testeve më të shpeshta të reaksioneve antigjen-antitrup

KAPITULLI  8
KRIJIMI I ANTITRUPAVE

Karakteristikat e përgjigjes specifike imunologjike- përgjigja parësore dhe dytësore e antitrupave – ngjarjet molekulare që përfshihen në kyçjen e klasëve të imunoglobulinave dhe ekspresionin e imunoglobulinave

KAPITULLI  9
QELIZAT QË MARRIN PJESË NË PËRGJIGJEN IMUNOLOGJIKE

Vështrim mbi llojet e ndërveprimeve qelizore dhe molekulave të nevojshme për imunitetin specifik

KAPITULLI  10
KOMPLEKSI KRYESOR I HISTOKOMPATIBILITETIT

Struktura dhe funksioni i molekulave qelizore sipërfaqësore të përfshira në ndërveprimet qelizore; kompleksi kryesor i molekulave të histokompatibilitetit, receptorët e limfociteve T, kompleksi CD3 dhe molekulat ndihmëse e kostimulatore

KAPITULLI  11
PËRGJIGJA NDAJ ANTIGJENIT

Llojet e ndryshme të antigjeneve që njihen nga limfocitet T dhe B. Biologjia e qelizës dhe rëndësia e rrugëve të ndryshme për përpunimin dhe prezentimin e antigjenit nga klasët I dhe II të MHC. Bazat eksperimentale për restriksionin e MHC. Roli i timusit në përcaktimin e repertoarit të receptorëve të limfociteve T. Superantigjenet

KAPITULLI  12
IMUNITETI QELIZOR

Ndërveprimet mes limfociteve ndihmëse T dhe limfociteve B për krijimin e antitrupave kundër proteinave të konjuguara me haptene dhe proteinave komplekse. Antigjenet e pavaruara nga timusi

KAPITULLI  13
IMUNORREGULLIMI

Subpopullacioni i qelizave ndihmëse T: Th1 dhe Th2. Citokinet dhe izotipet. Aktivizimi i makrofagjeve nga citokinet dhe veprimi i tyre. Maturimi dhe mekanizmi i shkatërrimit me anë të limfociteve T- citolitike. Veçoritë e mekanizmave të tjerë të shkatërrimit. Proceset e imunorregullimit.

SHQIP - ALBANIAN

KAPITULLI  14
IMUNIZIMI

Imunizimi aktiv dhe pasiv. Aplikimet dhe problemet e mënyrave natyrore dhe artificiale të imunizimit. Qasja moderne në imunizim

KAPITULLI  15
KOMPLEKSI KRYESOR I HISTOKOMPATIBILITETIT – GJENETIKA DHE RËNDËSIA NË TRANSPLANTIM

Lokuset kryesore të MHC dhe prodhimet e tyre. Baza gjenetike e heterogjenitetit të MHC në popullatë. Shpërndarja e molekulave të MHC në qeliza të ndryshme. Si zbulohen antigjenet MHC (tipizimi i indeve). Roli i MHC në transplantim, funksione imune dhe sëmundje

KAPITULLI  16
TOLERANCA DHE AUTOIMUNITETI

Parimi dhe rëndësia e tolerancës. Faktorët që përcaktojnë induksionin e tolerancës. Mekanizmi i induksionit të tolerancës. Parimet e autoimunitetit dhe sëmundjes. Vetitë e sëmundjeve kryesore autoimune. Teoritë e etiologjisë së sëmundjeve autoimune

KAPITULLI 17
MBINDJESHMËRIA

Klasifikimi i reaksioneve të mbindjeshmërisë. Sëmundjet që shoqërohen me reaksione të mbindjeshmërisë. Mekanizmi i dëmtimit në reaksionet e mbindjeshmërisë. Metodat e diagnozës së gjendjeve që shkojnë me mbindjeshmëri. Trajtimi i sëmundjeve që shkaktohen nga mbindjeshmëria

KAPITULLI  18
IMUNOLOGJIA E TUMORËVE

Dëshmitë e reaktivitetit imunologjik ndaj tumorëve. Ndryshimet qelizore gjatë malinjitetit. Komponentat e nikoqirit që ndikojnë në progresionin malinj. Komponentat e qelizave tumoroze që mbrojnë nga reagimi imunologjik. Arsyeshmëria për imunoterapi

KAPITULLI  19
IMUNODEFICIENCAT

Imunodeficiencat parësore dhe dytësore. Imunodeficiencat te AIDS. Tipet kryesore të imunodeficiteve dhe veçoritë e tyre. Raporti mes vendit të lezionit dhe imunodeficitit rezultues. Testet diagnostike për deficitet e ndryshme imunitare